Í dag er móðurmálsdagur. Hesaferð hátíðarhalda vit móðurmálsdagin við eini heilari viku, tá vit halda lesifest.

Tað eru nógvir fyrimunir við at lesa fyri børnunum. Nærvera, málmenning, orðfeingi, lesigleði og evnini at síggja heimin úr ymsum sjónarhornum. Her fært tú seks góðar orsøkir til at lesa fyri tínum smáu og stóru børnum.

3. mars er altjóða náttúrudagur og eitt gott høvi til at taka fatur í eina bók um náttúru. Í Bókaslúkinum finst hópin av tilfari á føroyskum um náttúru, sum egna seg væl til at arbeiða við í skúla og á dagstovni.