2025 fer í søguna sum eitt ár, har vit settu serligt fokus á lesing við teimum smáu og lesigleðina. Tilvildin vildi tað so, at ein serligur hundur fekk serliga stóran ans, tá hann endaði sum endurskinsprent á okkara nýggju tasku, samstundis sum teknarin varð heiðraður við landsins fínastu viðurkenning.

Kom í jólahýr við eini góðari søgu - ella fleiri. Vit hava savnað saman seks boð uppá góðar jólasøgur at lesa saman við næmingunum, børnunum, makanum ella onkrum øðrum, tú ert góð við.

2025 hevur víst seg at vera eitt gott ár fyri dugnaliga listamannin og myndprýðaran, Bárð Oskarsson. Fríggjakvøldið varð hann heiðraður við Mentanarvirðisløn landsins fyri sítt listarliga arbeiði sum myndprýðari.