Eingin frívakt uttan bók​

 

Jón Rasmussen er skipari á Norðborg og fríløturnar umborð fara til lesing og renning - ofta bæði í senn. Jón hevur lisið nógv heilt frá barnsbeini, og hann hevur altíð onkra bók við sær í koyggjuna, á brúnna ella á rennibandið.

Á bókahillini á skiparakamaranum hevur hann nakrar av yndisbókum sínum, sum fevna frá andaligum bókum til rennibøkur og ævisøgur hjá hansara stóru fyrimyndum.