Móðurmálsdagurin: Kom og spæl Kahoot
22.03.23
Aftur í ár skipa Málráðið og Føroyar lesa fyri Kahoot-spurnarkapping ísv. Móðurmálsdagin. Av tí, at dagurin hesa ferð fellur á ein leygardag, spæla vit fríggjadagin 24. mars kl. 12.
Seinastu tvey árini hava Málráðið og Føroyar lesa skipað fyri væl umtóktum spurnarkappingum um móðurmálið ísv. Móðurmálsdagin. Hetta fara vit at royna aftur í ár.
Soleiðis gert tú fyri at luttaka:
- tak appina Kahoot! niður á telefonina, um tú ikki nýtur teldu
- fríggjadagin 24. mars fert tú inn á facebooksíðuna hjá Føroyar lesa, har tú finnur kotuna fyri at luttaka
- skriva kotuna í appina undir pinkotu
- skriva títt fullfíggjaða navn
- so er klárt at spæla.
Vinnarin sær á sínum skíggja, um hann/hon hevur vunnið og boðar okkum frá á samband@føroyarlesa.fo ella á telefon: 555183.
Vinnararnir av kappingini kunnu gleða seg til at vinna ein bókapakka frá Bókadeild Føroya Lærarafelags, Sprotanum og Ungu Føroyar.
