Máltøka hjá børnum
04.11.22
Í døgunum 21.-22. november verður ráðstevna um lesing og málmenning hjá børnum. Í tí sambandi verður áhugaverd ráðstevna við granskarum innan máltøku hjá børnum í Kongshøll mánadagin 21. november.
Ráðstevnan byrjar klokkan 8.45, og tey, sum halda fyrilestrar, eru hesi:
Sissal M. Rasmussen: “Innleiðsla og samanumtøka”
Justin Markussen-Brown: “Læseparathed hos to- og flersprogede børn i dagtilbud”
Laila Kjærbæk: “Sprogindlæringsmiljø, -interaktioner og -muligheder”
Marit Clausen: “Tilegnelsen af sproglyde og lydlig opmærksomhed samt betydningen af disse for læsetilegnelsen”
Carsten Elbro: ”Sproglige forudsætninger for læse- og stavetilegnelse”.
Enn eru nøkur fá pláss eftir. Melda til luttøku her.
Harafturat verður eitt tiltak í Runavík týskvøldið 22. november kl. 19.30. Tá verður møguleiki at hoyra ein áhugaverdan fyrilestur við Lailu Kjærbæk, lektara, sum í sambandi við ráðstevnuna um málmenning og lesing fer at hava ein fyrilestur á Bókasavninum við Løkin. Fyrilesturin snýr seg um at skapa góðar umstøður fyri málmenning hjá børnum.
Fyrilesturin er almennur, og øll við áhuga fyri máli og málmenning eru vælkomin.
Fyrilesturin er á donskum.
Les eisini: Soleiðis kunnu vit tosa um myndabøkur
Tað eru Fróðskaparsetur Føroya, UMMR og Føroyar lesa, ið stuðla ráðstevnuni.
