Eingin er sum Pippi
15.09.20
Í ár eru 75 ár síðan, at fyrsta bókin um Pippi Langsokk kom út. Bøkurnar eru síðan komnar út í 77 ymiskum londum, og vit eiga eisini fleiri av hesum bókunum á føroyskum. Fyrsta bókin um Pippi kom út í 1993, og síðan hava bøkurnar verið væl umtóktar millum stór og smá. Turið Sigurðardóttir hevur týtt allar bøkurnar um Pippi til føroyskt. Bókadeildin hátíðarheldur føðingardagin hjá Pippi við tveimum útgávum í ár.
Sniðskorin bók til tey yngstu
Hetta er ein sniðskorin pappbók til teir yngstu lesararnar við eyðkendu myndunum hjá Ingrid Vang Nyman. Í bókini kunnu tit hitta Pippi, Villingavál og øll hini fyri fyrstu ferð.
Hent at vita:
Rithøvundur: Astrid Lindgren
Myndprýðari: Ingrid Vang Nyman
Aldursbólkur: 0-2 ár
Síður: 14
Forlag: Bókadeild Føroya Lærarafelags
Tríggjar søgur um Pippi Langsokk
Ein stór og flott bók við trimum klassiskum myndabókum um Pippi í einari bók. Tú hoyrir um, tá ið hon flytur í Villingaváli og hittir Anniku og Tummas fyri fyrstu ferð. Tá ið hon roynir at finna út av, hvat ein spunkur er, og tá ið hon flytur úr Villingaváli og fær skil á bandittunum í Humlugarðinum á sín heilt egna hátt. Síðsta søgan er fyri fyrstu ferð týdd til føroyskt í hesi útgávu.
Hent at vita:
Rithøvundur: Astrid Lindgren
Myndprýðari: Ingrid Vang Nyman
Týðari: Turið Sigurðardóttir
Aldursbólkur: 3-7 ár
Síður: 58
Forlag: Bókadeild Føroya Lærarafelags
