Søgur í eygnahædd við børn og vaksin

14.09.20

Bláir fílar, risastór áaross, froskar frá rúmdini og ein horvin borgarstjóri. Hesi og mong afturat lesa vit um í bókunum hjá danska rithøvundinum Jakob Martin Strid. Allar eru tær fyltar við litríkum, skemtiligum og forvitnisligum myndum, har tey smáu og vaksnu í hvør sínum lag kunnu varnast ymsar smálutir og viðmerkingar, sum sipa og prika til samtíð okkara. Les meiri um bøkurnar hjá Jakob Martin Strid niðanfyri, og kanska serliga um tvær tær seinastu útgávurnar, FLÚGVIBÓKINA og Tá Mumbo Jumbo varð risastórur.


FLÚGVIBÓKIN - ferðin til skrímslaoynna

Í einum heilt serligum hugaheimi fært tú í hesi bók uppskriftina upp á at flúgva. Hetta er nevniliga hent at duga, um tú eins og Minna leitar eftir tínum horvna lítlabeiggja. Í hesi løgnu og livandi søgu hitta vit aftur heksina Baba Jaga og dýrini frá Mimbo Jimbo-søgunum. Myndirnar gera ikki søguna verri, og stendur høvundurin saman við trimum øðrum myndprýðarum eisini fyri tekningunum í bókini.


Austin er horvin, og nú má stórasystir Minna royna at finna hann. Lukkutíð hjálpir ein ófør, lítil heks henni… og eisini tríggir vinir, sum vit kenna aftur!


Hent at vita

Upprunaheiti: FLYVEBOGEN - Rejsen til monstrenes ø

Lagt litir á: Michael Wettendorff, Frederikke Oline Wendt, Sofie Nørgaard Kampmark og Jakob

Martin Strid

Týðari: Niels Jákup Thomsen

Forlag: Bókadeild Føroya Lærarafelags

Tal á síðum: 70

Útgávuár: 2020

Aldursbólkur: 4 ár og uppeftir


Tá Mumbo Jumbo varð risastórur

Foreldur halda ofta, at børnini gerast alt ov skjótt stór. Í hesi myndabók er tað ikki bert Mumbo-mamman, sum heldur hetta um sonin, áarossið Mumbo Jumbo. Nei, øll í Dalinum lítla mugu blunka tvær ferðir, áðrenn tey trúgva eygum sínum. Mumbo Jumbo er nevniliga ikki bert vaksin eitt sindur, men er ein seinnapart brádliga vorðin so stórur sum ein risi. Í hesi stuttligu myndabók til børn meistrar Jakob Martin Strid enn einaferð at skriva eina søgu, sum er í eygnahædd við bæði vaksin og børn.

Hetta er fjórða bókin um Mimbo Jimbo og hini dýrini. Hesa ferð hoyra vit um áarossið Mumbo Jumbo, sum av løgnum orsøkum brádliga gerst risastórur. Bert ein kann hjálpa honum, og tað er heksin Baba Jaga, sum býr í Sibiria. Sibiria er 10.000 km burturi, og Mumbo Jumbo hevur eina langa og vandamikla ferð fyri framman.


Hent at vita

Upprunaheiti: Da Mumbo Jumbo blev kæmpestor

Lagt litir á: Sofie Nørgaard Kampmark, Stine Minden-Weidekamp og Jakob Martin Strid

Týðari: Niels Jákup Thomsen

Forlag: Bókadeild Føroya Lærarafelags

Tal á síðum: 140

Útgávuár: 2019

Aldursbólkur: 3 ár og uppeftir


Hinar bøkurnar hjá Jakob Martin Strid


Ótrúliga søgan um ta ristastóru peruna

Alt er sum vant í Føgruvík, til Mitcho og Sebastian ein dagin finna ein fløskupost niðri á kaiini. Er fløskuposturin veruliga frá J.H. – borgarstjóranum í Føgruvík, ið hevur verið horvin í eitt ár? Er hin loyndarfulla oyggin veruliga til? Svarini finnur tú í hesi spennandi og ævintýrligu myndasøguni til børn í øllum aldri.


Hent at vita

Upprunaheiti: Den utrolige historie om den kæmpestore pære

Myndprýðari: Jakob Martin Strid

Týðari: Niels Jákup Thomsen

Forlag: Bókadeild Føroya Lærarafelags

Tal á síðum: 99

Útgávuár: 2012

Aldursbólkur: 4 ár og uppeftir


Søgurnar um Mimbo Jimbo


Mimbo Jimbo

Fyrsta bókin um uppfinningarsama bláa fílin Mimbo Jimbo og vin hansara, áarossið Mumbo Jumbo.


Hent at vita

Upprunaheiti: Mimbo Jimbo

Myndprýðari: Jakob Martin Strid

Týðari: Niels Jákup Thomsen

Forlag: Bókadeild Føroya Lærarafelags

Tal á síðum: 36

Útgávuár: 2010

Aldursbólkur: 2-4 ár


Mimbo Jimbo stuttleikar sær

Onnur bók um bláa fílin, Mimbo Jimbo og Mumbo Jumbo.


Hent at vita

Upprunaheiti: Mimbo Jimbo har det sjovt

Myndprýðari: Jakob Martin Strid

Týðari: Niels Jákup Thomsen

Forlag: Bókadeild Føroya Lærarafelags

Tal á síðum: 44

Útgávuár: 2011

Aldursbólkur: 2-4 ár


Mimbo Jimbo og tann langi veturin

Triðja bókin um Mimbo Jimbo. Hesa ferð hoyra vit um, hvussu Mimbo Jimbo og vinir hansara stríða seg gjøgnum kavan og loysa gátuna um, hví tað brádliga gjørdist vetur aftur.


Hent at vita

Upprunaheiti: Mimbo Jimbo og den lange vinter

Myndprýðari: Jakob Martin Strid

Týðari: Niels Jákup Thomsen

Forlag: Bókadeild Føroya Lærarafelags

Tal á síðum: 100

Útgávuár: 2015

Aldursbólkur: 3 ár og uppeftir


Søgurnar um Lítla Froskin


Lítli Froskur

Hetta er søgan um Lítla Frosk, sum datt niður frá stjørnunum og gjørdi nógv fortreð. Søgan um, hvussu hann rýmdi heimanífrá og ferðaðist um oyðilendi. Og tað er søgan um, hvør fann hann, og hvussu alt kortini endaði væl.


Hent at vita

Upprunaheiti: Lille Frø

Myndprýðari: Jakob Martin Strid

Týðari: Ingun W. Kamban

Forlag: Bókadeild Føroya Lærarafelags

Tal á síðum: 27

Útgávuár: 2006

Aldursbólkur: 4 ár og uppeftir


Lítli Froskur byggir rúmdarfar – Ella hvussu froskamamman bjargaði sublimuttunum

Lítli froskur ger ikki SO illa fortreð longur. Hann trívist væl heima hjá froskamammu og froskapápa og systkjunum Miðlingafroski og Stórafroski. Hann er tó enn fullur í góðum hugskotum og fær illa sitið stillur. Hvat kann tá vera betri enn at byggja eitt rúmdarfar?


Hent at vita

Upprunaheiti: Lille Frø bygger rumraket

Myndprýðari: Jakob Martin Strid

Týðari: Niels Jákup Thomsen

Forlag: Bókadeild Føroya Lærarafelags

Tal á síðum: 39

Útgávuár: 2017

Aldursbólkur: 4 ár og uppeftir